الى التي أجتاحتني حين صدفة
وأنا الأعزل الا من العشق ولازالت ...

(( مدرسة الورد ))

أبمدرسة الورد نتعلم الاحساس
بيه انحب بعضنه ونحب كل الناس
باوراق الورد رقّه ونعومه وطيب
والوان المشاعر من نغيب اتغيب
اذن نسبق زمنّا لا يشيب الراس

ابمدرسة الورد نتحاضن أيد ابأيد
نتنفس نسائم نسمع التغريد
لاگيني حبيبي ابمفرق الأزهار
نظرات اشتياقي بس ألك تندار
واسراب الطيور البسّمه حرّاس

أبمدرسة الورد لون الحياة ابيض
أباحلى الكلام اگليبي لك ينبض
سور امن البنفسج دار جلستنه
ذبنه احنه ابّعضنه العشگ ذوّبنه
رشفنه امن الوصل طعم الغزل أنفاس

ابمدرسة الورد
نتعلم
ونتعلم
الاحساس

\\ احسان ...